另類教練！阿迪達曾用一個燈泡來鼓舞士氣

燈泡除咗可以用嚟照明，原來仲可以用嚟鼓舞士氣！

最近一套關於阿仙奴嘅紀錄片喺 Amazon Prime 上架，名叫 "All or Nothing"，當中披露咗阿仙奴教練阿迪達（Mikel Arteta）唔少另類嘅執教方式，包括喺對陣利物浦前播放 "You'll Never Walk Alone"，日前播放嘅新一集更講述佢如何用一個燈泡嚟鼓舞球員士氣：


阿迪達攞住個燈泡開始演講：「愛迪生發明咗電燈泡，但燈泡本身咩都唔係（需要一條電線連住先可以發一電）。今天，我想睇到一支連埋一線嘅球隊，我想睇到嘅係一支相互聯結嘅團隊，並閃閃發光。

「你想向佢（你嘅隊友）傳遞光芒、能量同激情，同埋踢法，你哋兩個都一樣。我哋每個人都係連埋一齊踢球嘅，心連心踢波時會發生咩事呢？跟住落嚟會發生咩事呢？

「就係我哋同60,000人（意指球迷）聯成一線，佢哋創造咗更多嘅能量。」

阿迪達繼續發表偉論：「因為最後係電，通過熱能創造光同生命。如果我哋無呢個諗法，咁將會係Ｘ你老X咁黑暗（f****** dark）。
「而我希望你哋今日可以連埋一線咁比賽，因為我哋有幾成功，就取決於呢一件事。

「令我哋與眾不同嘅係我哋嘅態度，今日我希望你哋用呢種態度踢波。走出去，開著盞燈，然後踢波。我哋出去啦！」

不過可惜嘅係，阿迪達呢招達唔到預期嘅效果，阿仙奴最後以1-2輸咗俾白禮頓。