摩佬又中!摩連奴一語道出曼城與曼聯的分別

球場新聞 於 17/08/2022 發表 收藏文章
開季前,有幾多球迷估到曼聯會出現喺榜尾?我諗就算最憎曼聯嘅利迷同城迷都未必會諗到。又有幾多曼迷依家會懷念當日被批評只係識泊大巴嘅摩連奴?

最近摩連奴有一段賽後訪問又成為外國球迷討論嘅話題,因為佢以曼城作例子,講出咗曼聯嘅問題所在:
loading
loading


呢段說話唔係太直接,筆者嘗試講出我對呢段說話嘅理解:

摩連奴指出曼城過去七年贏過兩次聯賽冠軍,因為佢哋重視「遺產」,「遺產」提指佢哋會重用一眾舊臣,包括迪布尼(Kevin De Bruyne)、大衛施華(David Silva)、阿古路(Sergio Aguero)等,佢哋懂得運用舊有嘅投資,而不只是近兩年嘅投資(意指新球員)。

的確,喺哥迪奧拿(Pep Guardiola)執教曼城之前,大衛施華以及阿古路已經係曼城嘅皇牌,而迪布尼亦漸露大將之風,哥帥新官上任並無打掉已經建默契嘅舊班底,反而喺曼城固有嘅戰術同人腳上加入自己嘅理念,令成隊波更上一層樓。

之後佢反問記者知唔知曼聯上一季有幾多球員離隊?佢又指出當佢離開曼聯嘅時候,新領隊會放棄盧卡古(Romelu Lukaku)、馬迪(Nemanja Matic)等等留下來嘅「遺產」,轉而去搵一班背景、踢法、質素完全唔同嘅球員。

筆者唔係摩連奴嘅層次,當然未必完全理解佢嘅意思,但隱隱地道出咗曼聯嘅一大問題,不過話說回來,今日嘅曼聯與當年嘅曼城情況略有不同。當年曼城喺哥迪奧拿執教前已經係冠軍級球隊,延用舊有人腳係最低風險嘅成功之道。今日嘅曼聯年年都掙扎求存,新領隊若果唔買人就會俾班球迷大帝問候家人,買人又話水貨唔值呢個價,其實都幾難搞。

外國網民依家就知摩連奴嘅好,紛紛話佢一早睇到曼聯嘅問題,而且佢執教嗰幾季係曼聯近年成績最好嘅,後悔當初點解唔識珍惜。唔知香港嘅球迷又同唔同意呢位前曼聯主帥嘅意見呢?
標籤: 摩連奴  摩佬  

留言


請按此登錄後留言。未成為會員? 立即註冊
    快捷鍵:←
    快捷鍵:→