師承尼馬？馬拉聯賽外援誇張插水轆足360度「柒出國際」

馬來西亞次級聯賽近日發生咗一件「柒出國際」嘅事。事緣係榜首球隊吉蘭丹（Kelantan）主場對霹靂嘅賽事，戰至第85分鐘，霹靂以2:1領先，佢哋獲得一球角球，此時陣中一名尼日尼亞籍，名叫阿科拉比（Sunday Afolabi）嘅球員突然舞興大發，喺吉蘭丹對手隔離、底線附近手舞足蹈挑釁主場球，順便拖延一下時間。

之後佢身邊嗰位吉蘭丹球員用手肘推咗一卜，然後阿科拉比就開始一場「尼馬式」嘅表演：



呢單嘢好快就傳到社交網站，40秒影片短短一日已過百萬瀏覽。有球迷指阿科拉比應該去跳舞而唔係踢波，又有人揶揄佢插水功能比尼馬更出色！