贏烏克蘭需要道歉嗎?記者賽前問巴爾,如果贏波會唔會道歉

球場新聞 於 06/06/2022 發表 收藏文章
世界盃歐洲區附加賽決賽,威爾斯以1-0擊敗烏克蘭,64年後再闖決賽週。

眾所周知,烏克蘭正在受戰火蹂躪,如果佢哋可以打入世界盃決賽週,對佢哋嚟講會係一個好大嘅鼓舞,於是賽前,英國衛報就有記者問威爾斯隊長巴爾(Gareth Bale),如果威爾斯贏波,佢會唔會向烏克蘭道歉(apologise)?


巴爾就答:「聽起嚟或者好衰,但係我唔會(道歉)。因為呢個係一場足球賽,而且關乎我哋可唔可以參加世界盃。

「全世界都同情烏克蘭,體育可以團結人心,所以我明白打入世界盃(決賽週)對於烏克蘭嘅意義,但我哋都想打入世界盃。

「呢個係嚟自我嘅國家、我哋所有球迷嘅期望。

「我哋理解烏克蘭嘅遭遇,牽掛住嗰度嘅人,我哋亦為此而心痛,但我哋做唔到太多嘢。呢個係一場足球賽,我哋都想贏。」

在於筆者嚟講,呢個記者真係「左膠」到不得了!條問題更加係「膠」中之霸!打仗還打仗,踢波還踢波,點解我贏咗需要道歉?況且對威爾斯嚟講,打入世界盃嘅重要性不比烏克蘭低吧。

來源:https://uk.news.yahoo.com/gareth-bale-no-let-against-092108509.html
標籤: 巴爾  烏克蘭  威爾斯  

留言


請按此登錄後留言。未成為會員? 立即註冊
    快捷鍵:←
    快捷鍵:→