攞獎都要俾人笑?費蘭甸奴奪「最勁爆入球獎」遭網民恥笑

球場新聞 於 27/05/2022 發表 收藏文章
37歲嘅曼城中場費蘭甸奴(Fernandinho),將於今季完結後離隊。呢位老臣子雖然喺今季的確有啲老態,但佢喺曼城嘅9個年頭,協助球隊5次奪得英超冠軍,係曼城強大背後不可或缺嘅核心人物。

作為一個中場球員,費蘭甸奴入波唔算多,因此你話要搵一球佢令人印象難忘嘅入波都唔係咁易,不過佢喺離開英超之前,竟然攞咗個入球獎,呢個獎叫「甲骨文最勁爆入球獎」(Oracle Most Powerful Goal),呢球就係曼城4-0贏列斯聯嘅最後一球:

loading

相信睇完之後,你同我同其他網民都有同一個疑問:Are you serious? 呢球勁爆?勁爆喺邊?我哋睇睇官方係點講嘅。

「呢球波時速達117.6公里/小時,呢個係2021/22賽季所有禁區外入波最快嘅平均速度,亦係迄今為止英超聯官方雲計算供應商甲骨文公司計算出嘅最有力嘅射門。」

結果公佈後,網民迅速恥笑:


其實網民唔係笑費蘭甸奴,而係笑個獎平身嘅意義,以及佢嘅評選準則。不過明眼人都睇得出,呢個獎只係商業性質,無乜意義,費蘭甸奴今次可以話係躺著也中槍。

有網民亦指出,其實講到「最勁爆入球」,以下兩球似乎更有資格:
loading

留言


請按此登錄後留言。未成為會員? 立即註冊
    快捷鍵:←
    快捷鍵:→