31歲巴神連插7下花再 Rabona 射入,煞科戰入5球奪銀靴!

球場新聞 於 24/05/2022 發表 收藏文章
當全世界都關注英超,甚至意甲冠軍嘅時候,地球嘅另一邊,一個久違了嘅名字,用行動話俾大家知,佢仲踢緊,而且仲有貨交,佢就係「巴神」巴洛迪利(Mario Balotelli)。

今天零晨時間,喺土超最後一輪賽事,巴洛迪利帶領嘅阿達納鐵路(Adana Demirspor),主場以7-0大勝葛迪比(Goztepe)。巴神喺呢場煞科戰射5球,當中仲有一個非常精彩嘅個人表演。憑住呢5球,巴洛迪利喺土超射手榜上,以18球排名第二,僅以2球之差奪銀靴。

25分鐘時,阿達納靠住對方烏龍波首開紀錄,其後就係巴神表演時間,佢喺12分鐘內連入三球,上演咗帽子戲法。

去到第62分鐘,巴洛迪利完成埋大四喜。隊友右路反越位橫傳,巴神中路輕鬆推射破門。

第70分鐘時,巴神射入個人嘅第5球,亦可以係佢職業生涯最精彩入球之一。佢喺禁區左側,好似朗拿度上身咁,連插7下花,然後推左,再喺窄角度情況下用右腳嚟個 Rabona,個波直入龍門遠柱死角。

31歲巴神連插7下花再 Rabona:

巴神5個入球:
標籤: 巴神  Mario Balotelli  巴洛迪利  

留言


請按此登錄後留言。未成為會員? 立即註冊
    快捷鍵:←
    快捷鍵:→