你惹邊個唔好？愛華頓球迷挑釁韋拉，結果被GG了！

英超冠軍之戰固然好睇，護級大戰一樣精彩！

英超周四上演兩場護級大戰，其中一場愛華頓對水晶宮，結果愛華頓喺主場落後兩球下嘅劣勢下3:2反勝水晶宮。目前，愛華頓以37戰39分，排第16位，於積分榜拉開排第18嘅列斯聯4分，已確定下季可以繼續留喺英超。

賽後，大批愛華頓球迷衝入球場慶祝，其中一名愛華頓球迷用手機近距離拍攝水晶宮主帥、前阿仙奴中場韋拉（Patrick Vieira），更疑似挑釁佢，結果被韋拉拉著，並被韋拉用腳踢跌落地。


韋拉當年做球員嘅時候出名硬淨，呢位球迷都敢去惹佢，真係寫個服字俾你，不過韋拉喺賽後記者會對事件不予置評。