【考古】控球的藝術:柏金神一般嘅 First Touch!想個波去邊就去邊

球場新聞 於 11/05/2022 發表 收藏文章
柏金(Dennis Bergkamp),呢個名字可能大家唔會將佢同朗拿度,或者施丹等球王相提並論,不過佢絕對係筆者見過最有靈氣嘅球員之一,佢嗰種瀟灑,唔係咁多球員身上見到。

講起柏金,相信大家一定會提以下呢兩球:

英超對紐卡素:

98世界盃對阿根廷:

尤其係第一球,到依家依然有好多人爭論,究竟柏金 first touch 時係唔係有意將個波撥右,然後自己轉身。其實喺筆者眼中,答案非常明顯,只要你有睇過佢長期以來嘅 first touch 技術,佢控波嘅境界,根本毋須爭論:

loading


柏金嘅思維速度,佢嘅敏捷性,以及最重要佢嘅靈氣,令佢嘅 first touch 做得如此漂亮。好多球員嘅 first touch 都係控定個波,然後謀定而後動。然而,更厲害嘅 first touch,係類以柏金呢種,係喺佢控落之前,佢已經諗埋下步相推定係過,定係控完即射。
柏金職業生涯幫助球隊贏過唔少獎盃,包括阿仙奴嘅三個英超冠軍。

柏金如此出色,以至同佢柏檔過嘅亨利都認為柏金係佢遇過咁多隊友之中最偉大嘅,唔好唔記得,美斯都做過亨利隊友,但喺佢心目中,柏金嘅位置顯現高過美斯,當然,亨利同柏金合作嘅年頭比佢同美斯多而且深刻,但亦足以證明柏金嘅偉大之處!

有傳呢位53嘅阿仙奴名宿嚟緊將會重返英超,當然唔係踢返波,而係加入舊隊友韋拉(Patrick Vieira)領軍嘅水晶宮教練團。
標籤: 柏金  First Touch  Dennis Bergkamp  

留言


請按此登錄後留言。未成為會員? 立即註冊
    快捷鍵:←
    快捷鍵:→