2005 利物浦嘅「伊斯坦堡之夜」相信大家仍歷歷在目，當年紅軍奇蹟般反勝AC米蘭，成為歐聯史上最家傳戶曉嘅故事。不過唔知大家有無印象，利物浦喺四強賽，對戰車路士時，就係因為一個至今仍未解嘅「幽靈入球」，才成就世人日後歌頌嘅偉大之夜。
呢個入球嘅主角係路爾斯加西亞（Luis Garcia）。第一回合利物浦係車仔主場同對手打和0-0，之後返到晏菲路，開賽僅4分鐘就發生咗呢個「神奇」嘅入球，當時謝拉特（Steven Gerrard）恰到好處嘅挑傳入禁區，巴路士（Milan Baros）快施治（Petr Cech）一步踢到個波，並且被找撲跌，晏菲路球迷頓時起哄，要求12碼，然而呢個時候，路爾斯加西亞趕到，車仔中堅泰利（John Terry）亦及時返到白界前，路爾斯加西亞第一時間射門，省中泰利，球速亦因此減慢咗，加拿斯（William Gallas）喺白界「附近」加一腳解圍。
一陣混亂之後，球證 Lubos Michel 示意入球有效，晏菲路球迷旋即陷入興奮狀態！
呢個入球至今仍爭議不斷，車仔主帥，狂人摩連奴當時咁話：「呢個入球來自月球，來自晏菲路嘅看台。我感受到晏菲路嘅力量，呢股力量干擾唔到我嘅球員，但佢或者干擾到其他人，干擾咗結果。」
摩連奴甚至喺2019年都重提當年嘅入球：「晏菲路係一個好神奇嘅地方，佢可以射入球員射唔入嘅波，就好似2005年嗰球一樣。唔係加西亞入嘅波，係球迷入嘅波，不過依加有VAR同門綫技術，呢啲入波已經無可能再出現。」
呢個入球嘅主角係路爾斯加西亞（Luis Garcia）。第一回合利物浦係車仔主場同對手打和0-0，之後返到晏菲路，開賽僅4分鐘就發生咗呢個「神奇」嘅入球，當時謝拉特（Steven Gerrard）恰到好處嘅挑傳入禁區，巴路士（Milan Baros）快施治（Petr Cech）一步踢到個波，並且被找撲跌，晏菲路球迷頓時起哄，要求12碼，然而呢個時候，路爾斯加西亞趕到，車仔中堅泰利（John Terry）亦及時返到白界前，路爾斯加西亞第一時間射門，省中泰利，球速亦因此減慢咗，加拿斯（William Gallas）喺白界「附近」加一腳解圍。
一陣混亂之後，球證 Lubos Michel 示意入球有效，晏菲路球迷旋即陷入興奮狀態！
呢個入球至今仍爭議不斷，車仔主帥，狂人摩連奴當時咁話：「呢個入球來自月球，來自晏菲路嘅看台。我感受到晏菲路嘅力量，呢股力量干擾唔到我嘅球員，但佢或者干擾到其他人，干擾咗結果。」
摩連奴甚至喺2019年都重提當年嘅入球：「晏菲路係一個好神奇嘅地方，佢可以射入球員射唔入嘅波，就好似2005年嗰球一樣。唔係加西亞入嘅波，係球迷入嘅波，不過依加有VAR同門綫技術，呢啲入波已經無可能再出現。」
請按此登錄後留言。未成為會員? 立即註冊