昨晚歐聯曼城同皇馬嘅強強對碰，相信都睇到觀眾大呼過癮。兩隊你來我往，最終雙方一共入咗七球，勝利就由曼城攞走。而皇馬嘅雲尼斯奧斯祖利亞（Vinicius Junior）就表現搶鏡，佢嗰球一條龍入波，以及之前嘅過人，睇到觀眾目瞪口呆，就連曼城主帥哥迪奧拿（Pep Guardiola）都睇到崩潰跪地！
呢球發生喺比賽嘅第55分鐘，當時雲尼斯奧斯喺左邊邊線附近迎波，佢身後有費南甸奴（Fernandinho）緊貼住佢，雲尼斯奧斯心知如果上腳，必定難以擺脫身後嘅費南甸奴，於是佢就順勢假裝拿波，實際騙過對手直接轉身，結果呢招奏效，雲尼斯奧斯擺脫對手之餘，仲直奔禁區射入埋，認真厲害！
身為曼城主帥嘅哥迪奧拿見到雲尼斯奧斯呢招都心知不妙，頓時抱頭崩潰跪地，結果真係如佢所料造成失波。
觀眾鏡頭：
其實呢球真係唔怪得費南甸奴，因為今場波卡爾獲加（Kyle Walker）、簡些路（Joao Cancelo）以及史東斯（John Stones）都出唔到場，因此先以36歲嘅費南甸奴踢上唔熟悉嘅右閘位置，仲要面對速度咁快又細自己成15歲嘅巴西小子雲尼斯奧斯，可謂時也命也。
不過好左曼城都能贏波而回領先首回合，雖然無咗「作客入球」制度，但失咗三球始終唔穩陣。不過咁樣對觀眾絕對係好事，因為去到第二回合，我哋依然可以睇到另一場精彩嘅比賽！
呢球發生喺比賽嘅第55分鐘，當時雲尼斯奧斯喺左邊邊線附近迎波，佢身後有費南甸奴（Fernandinho）緊貼住佢，雲尼斯奧斯心知如果上腳，必定難以擺脫身後嘅費南甸奴，於是佢就順勢假裝拿波，實際騙過對手直接轉身，結果呢招奏效，雲尼斯奧斯擺脫對手之餘，仲直奔禁區射入埋，認真厲害！
身為曼城主帥嘅哥迪奧拿見到雲尼斯奧斯呢招都心知不妙，頓時抱頭崩潰跪地，結果真係如佢所料造成失波。
觀眾鏡頭：
其實呢球真係唔怪得費南甸奴，因為今場波卡爾獲加（Kyle Walker）、簡些路（Joao Cancelo）以及史東斯（John Stones）都出唔到場，因此先以36歲嘅費南甸奴踢上唔熟悉嘅右閘位置，仲要面對速度咁快又細自己成15歲嘅巴西小子雲尼斯奧斯，可謂時也命也。
不過好左曼城都能贏波而回領先首回合，雖然無咗「作客入球」制度，但失咗三球始終唔穩陣。不過咁樣對觀眾絕對係好事，因為去到第二回合，我哋依然可以睇到另一場精彩嘅比賽！
請按此登錄後留言。未成為會員? 立即註冊