有料就係任性！路爾斯戴亞斯跳起後腳完美神控！

利物浦今年1月先羅致嘅左翼路爾斯戴亞斯（Luis Diaz）似乎已經適應英超嘅節奏同高普嘅戰術，呢位好波之人，腳下功夫了得，而佢亦毫不吝惜自己嘅球技，一有機會就會 Show Off 娛樂下球迷，今次又有一球睇到球迷拍爛手掌！

路爾斯戴亞斯喺下半場入替文尼（Sadio Mané），踢至第63分鐘，佢接應中路嘅高波，一般球員通常用腳背，甚至心口控定個波，但路爾斯戴亞斯竟然選擇跳起，然後交叉腳，用後腳嚟控定個波，而且仲係完美無瑕地控個波落嚟，落點恰到好處！



同場加映：將溫布萊當街場踢！路爾斯戴亞斯邊線1V2　展現「足球小將」式過人

網民讚口不絕：




路爾斯戴亞斯除咗 Show Off，其實仲有實際嘅貢獻，佢喺84分鐘嘅倒掛雖然唔能夠直接入波，但就成功助攻隊友奧歷治門前建功，為利物浦保持爭冠希望。