無心戀戰？告別賽？網民用一條影片串爆普巴雙紅會表現

曼聯人腳係咩好錯？曼聯教練又係唔係好渣？

以上嘅問題筆者都唔認同，但點解佢哋就係踢唔出應有嘅水平？好簡單兩個字講曬：士氣！曼聯嘅球會個個上場都好似有心事咁，一盤散沙，就算再好嘅戰術，執行嘅球員唔主動，都係死！普巴（Paul Pogba）就係一個最好嘅例子。

普巴，世界一等一嘅中場，日前對陣利物浦嘅雙紅會，只係踢咗十分鐘，就表示受傷，主動申請出場。呢個畫面被曼聯球迷嗤之以鼻，仲紛紛喺社交網站串佢：



事實上，普巴無心戀戰已經唔係第一日嘅事，而根據法國《巴黎人報》嘅消息，普巴呢場之後將唔會再為曼聯出戰，換句話說，昨日嘅雙紅會就係佢喺曼聯嘅告別戰。



其實，普巴同曼聯嘅合約今個夏天就到期，雙方都無續約嘅消息，所以一直都傳佢會今夏離隊。普巴喺曼聯嘅表現一向都係以心情行先，心情好，踢好啲，心情差就求求其其，呢種狀態已經引起好多曼聯嘅球迷嘅不滿，日前普巴仲被主場球迷狂噓，所以普巴離隊，筆者一向覺得對雙方都係好事。
普巴為曼聯踢咗233場比賽，攻入39球，助攻51次。