紐卡素「田雞」？辛特麥斯明邊線突然 high 到跳舞嚇呆對手

辛特麥斯明（(Allan Saint-Maximin）係紐卡素嘅進攻靈魂，而佢花哨嘅腳下功夫亦係球場上一道美麗嘅風景線，喺昨晚紐卡素對陣水晶宮嘅英超賽事，佢就喺第16分鐘騷Quali。

當時辛特麥斯明喺右路邊線接應傳球，佢先係一個假腳插花，之後見到對手高耶迪（Cheikhou Kouyaté）唔係好受呃，麥斯明就順勢跳埋舞，而高耶迪就成個人篤咗喺度，心諗：你做乜膠嘢？



最後，麥斯明對手唔受呃，彩又攞完，於是傳返隊友，成個過程旁人睇到好尷尬，可能佢自己好享受啦！


話時話，呢個假動作，有無多少令你諗起少林足球嘅田雞？