發洩拍爛小球迷手機，C.朗發文道歉：係我情緒失控咗！

4月9日嘅英超賽事，曼聯作客以0-1輸咗俾愛華頓。比賽結束後，C朗拿度（Cristiano Ronaldo）喺球員通道做咗一個非常唔理智嘅行為。

退場時候，C.朗忽然大力拍打咗一位愛華頓小球迷嘅手機，令到佢手機直接跌咗落地。



唔單止手機跌爛咗，連小朋友隻手都俾C.朗打到瘀咗：

事後，C朗知衰，喺ig發文道歉，佢表示自己當時嘅情緒喺困境中失控咗。

佢係咁寫：「困境下控制情緒總喺唔容易嘅，就好似我哋今次面對嘅。但無論如何，我哋都必須保持尊重、耐心，為所有熱愛足球比賽嘅年輕人樹立榜樣。我為我嘅情緒爆發道歉，如果可以嘅話，我想邀請呢位球迷嚟奧脫福德睇比賽，將此作為公平競爭同體育精神嘅象征。」

其實筆者覺得，道歉就係必須嘅，但計我話，C.朗你係咪應該要賠返部手機俾人先呢？同埋，你情緒失控已經唔係第一次嘅事，唔可以次次事後出嚟道個歉就算，你應該諗方法控制下自己嘅情緒先啱。