【考古】永遠鐵衛！35歲尼斯達依然可以令巔峰美斯吃盡苦頭

昨日（3月19日）係筆者其中一個偶像，意大利傳奇球星尼斯達（Alessandro Nesta）46嘅生日。呢位意大利足球防守哲學嘅代表人物，將最輝煌嘅自己貢獻咗俾AC米蘭，效力米蘭嘅十年間，令人體會到，原來防守都可以咁有藝術，即使係去到年邁嘅35歲，佢依然無「揸流灘」，就連當年已在巔峰嘅球王美斯（Lionel Messi），對住佢都無晒符。

2011年嘅歐聯賽事，老對手巴塞隆拿同AC米蘭相遇，當年已年屆35歲嘅尼斯達有一球防守至今仍令筆者回味。當時美斯攞波想單人匹馬殺入禁區，尼斯達先同佢保持距離，美斯假裝推右，前者被騙了半轉身，後來美斯見狀立即轉推左邊，由於尼斯達與美斯保持適合距離，而且佢轉身動作非常快，完全可以跟上美斯嘅速度。美斯見擺脫唔到尼斯達，唯有強推強攻。正當美斯想順勢起腳嘅時候，尼斯達精準飛鏟，完美解圍。呢球令到美斯都要雙手拍地，以示佢嘅挫敗感。




俾尼斯達「教做人」嘅球星點止得美斯一個，以下嘅球星，個個對住尼斯達都吃盡苦頭：

唔係話要「褒古貶今」，雖然江山代有人才出，但綜觀現今嘅中堅，筆者暫時都未見到有人可以達到尼斯達呢個級數。