入波唔係靠鞋嘅!日乙「赤腳小子」狂奔30米再右腳射入靚波

球場新聞 於 07/03/2022 發表 收藏文章
喺日本乙級聯賽第3輪中,橫濱FC作客以2-1逆轉大分三神。其中,橫濱球員山下諒也喺一隻腳赤腳嘅情況下狂奔30米,而仲用無著鞋嘅右腳射入致勝嘅一球。

78分鐘時,山下諒也在喺中場左側爭波,期間同對方防守球員發生身體對抗,山下諒也嘅右腳球鞋被踩甩。但山下諒也無放棄,反而俾佢爭贏咗,而且仲可以帶波殺到左側禁區,然後將個波分到右路。

之後橫濱FC右路傳中,個波又輾轉返到禁區左側山下諒也面前,佢心口控定個波後,用無著腳嘅右腳一撥,然後右腳順勢大力抽射,個波省中橫楣後彈入網!

loading


入波之後,山下諒也沖向場邊,仲特登指住隻右腳,提醒教練「我無著鞋都射得入!」。比賽結束後,山下諒也仲同自己嘅右腳波鞋嚟張個合影,喜感十足!

標籤: 山下諒也  

留言


請按此登錄後留言。未成為會員? 立即註冊
    快捷鍵:←
    快捷鍵:→