好耐未見過咁靚嘅罰球！曼聯舊將碧比35碼「落葉球」急墜收死龍

大家仲記唔記得碧比（Bebe）呢個名？呢位31歲嘅曼聯舊將，昨日喺西班牙國王盃四強，射入一球石破天驚嘅罰球，可惜球隊最後兩回合計仍以2-3出局。

講返呢球罰球，當時係比賽嘅80分鐘，碧比喺離門35碼位置主射罰球，佢大腳一踢，射出一球「落葉球」，個波喺門前突然急墜，對方守門員雖然撲到盡仍波皮都摸唔到。

官方精華：



碧比喺2010年以700多萬英鎊嘅價格加盟曼聯，但係當時費爵爺係無睇過佢任何比賽就作出呢個決定，結果證明，呢筆收購無疑喺費爵爺手中其中一單失敗嘅收購，因為碧比效力曼聯4年間，只喺英超上陣過兩次，其餘時間都係外借。
碧比喺2014年夏天離隊，結束4年紅魔生涯，之後去到西甲發展，曾經效力過伊巴，並在2018年轉投華歷簡奴，有不少上陣機會。