大數據年代，足球技術變得可以輕鬆量化，但有時數據會呃人，好似西甲巴塞主場4：0大勝畢爾包呢場，如果只睇數據嘅話，陣中19歲天才柏迪表現麻麻，因為佢此役0射門只有1次妙傳，睇落去好似可有可無。但睇過比賽嘅人先明白，柏迪由始至終都牢牢掌控著巴塞中場。
其實柏迪16歲已經喺西乙成名，當時已經被外界叫做「新恩尼斯達」，呢個並無吹噓，佢今場波喺中場嘅優雅指揮的確有小白嘅影子，就連當年同小白拍擋嘅主帥沙維都話柏迪令佢諗起恩尼斯達。講，你可能唔信，不如我哋睇睇片：
比賽約80分鐘，柏迪喺自己後場攞波，當時對方球員已經壓埋嚟，但柏迪好淡定，背住對方鬆容不逼一個後腳就通咗對方坑渠，然後轟身成功突圍而出。
再去到第89分鐘，柏迪喺自己中場左側搶到波，但隨即遇到對方雙人攔截，佢好冷靜咁先轉身過咗一個，然後再右腳一扣左腳輕推向前，又輕松突破埋第二個對手，成功將個波傳咗俾自己隊友。
賽後沙維大讚呢位愛徒：「無咩人嘅天賦可以比得上柏迪，佢幾乎唔會失去球權，佢踢得輕鬆自如。柏迪嘅位置係防中身前，不過佢亦可以喺各條線之間自由游走，佢令我諗起恩尼斯達，無論點踢都顯得輕盈和寫意。佢哋呢種天賦，真係好少見！」
其實柏迪16歲已經喺西乙成名，當時已經被外界叫做「新恩尼斯達」，呢個並無吹噓，佢今場波喺中場嘅優雅指揮的確有小白嘅影子，就連當年同小白拍擋嘅主帥沙維都話柏迪令佢諗起恩尼斯達。講，你可能唔信，不如我哋睇睇片：
比賽約80分鐘，柏迪喺自己後場攞波，當時對方球員已經壓埋嚟，但柏迪好淡定，背住對方鬆容不逼一個後腳就通咗對方坑渠，然後轟身成功突圍而出。
再去到第89分鐘，柏迪喺自己中場左側搶到波，但隨即遇到對方雙人攔截，佢好冷靜咁先轉身過咗一個，然後再右腳一扣左腳輕推向前，又輕松突破埋第二個對手，成功將個波傳咗俾自己隊友。
賽後沙維大讚呢位愛徒：「無咩人嘅天賦可以比得上柏迪，佢幾乎唔會失去球權，佢踢得輕鬆自如。柏迪嘅位置係防中身前，不過佢亦可以喺各條線之間自由游走，佢令我諗起恩尼斯達，無論點踢都顯得輕盈和寫意。佢哋呢種天賦，真係好少見！」
請按此登錄後留言。未成為會員? 立即註冊