尼馬有對手啦！阿積士24歲守衛加時由界外「轆」入界內揼波鐘

講到球場「轆地沙」嘅佼佼者，當然非尼馬莫屬，不過最近阿積士24歲守衛，阿根廷嘅利辛度馬天尼斯（Lisandro Martínez）都學到少少精粹，佢喺最近一次對陣PSV嘅時候就用呢招成功揼波鐘！

當時嘅榜首大戰已經去到95分鐘，阿積士領先2-1，馬天尼斯喺一次爭波中跌倒「轆」咗出界外訓低咗，之後佢好似意識到自己喺界外揼唔到波鐘，於是就由界外「轆」返入界內，成功拖咗少少時間，場面非常有趣。


雖然演技唔錯，但其實馬天尼斯唔係得演技，佢仲係一位好有實力嘅球員，佢今場波嘅攻守表現都十分出色：


馬天尼斯喺美洲國家盃嘅表現出色，加上可以踢中堅，又可以踢中場，因此已經吸引唔少豪門注意，其中巴塞就想收購佢代替老將碧基。