真．硬漢！森林門將被踢到個頭腫咗一大舊仍堅持踢完場

英冠賽事，諾定咸森林主場2比1擊敗打比郡。賽事中，森林門將森巴受傷，個頭腫咗一大舊，但佢仍然堅持踢完場，真係球場硬漢！

當時已經臨完場，打比郡發動進攻，個波踢到森林禁區，可惜無人接應到，森林門將森巴果斷「鐵頭功」瞓身出迎，佢先係撞跌自己友隊麥堅拿，然後再撞中對手羅倫士小腿，呢次真係唔係講，傷得甚重，起身一望，森巴個額頭已經腫起一大舊，有成隻雞蛋咁大舊，於是乎軍醫立即幫佢治理。




不過森巴無離場，加保半場維持1比1比數，換邊之後，佢繼續紮住個頭上陣，去到比賽尾段，又係同羅倫士發生碰撞，不過今次就係你推我撞，最後各食一張黃牌。最後森巴力保不失，協助諾定咸森林贏2比1。