入波慶祝可以有幾串，以下呢個英甲射手，大家又覺得夠唔夠串？
話說林肯城前鋒基斯麥佳亞（Chris Maguire）喺2018-2021效力咗新特蘭三年，上年7月合約到期時被球會放棄，後來佢加盟咗同是英甲嘅林肯城，今場波，佢就面對前東家。
開賽約半小時後，呢位英甲「麥龜」就充分展現自己嘅射術，喺人群中射入一球「腳指尾拉西」嘅靚波，開頭佢攤開雙手無慶祝，以表示對舊東家球迷嘅歉意，後來佢突然加速，向住對方主帥狂奔，然後喺佢面前慶祝。
去到下半場，殺得性起嘅基斯麥佳亞射入一球12碼，又喺完場前15分鐘完成帽子戲法，對住舊東家完全無面俾，結果協助球隊贏3-1完場。
球迷對麥佳亞嘅慶祝動作議論紛紛，有人覺得佢太串，又有人覺得無咩，不過見到呢一幕，唔知新特蘭老闆有無後悔放咗呢名射手呢？
官方精華：
話說林肯城前鋒基斯麥佳亞（Chris Maguire）喺2018-2021效力咗新特蘭三年，上年7月合約到期時被球會放棄，後來佢加盟咗同是英甲嘅林肯城，今場波，佢就面對前東家。
開賽約半小時後，呢位英甲「麥龜」就充分展現自己嘅射術，喺人群中射入一球「腳指尾拉西」嘅靚波，開頭佢攤開雙手無慶祝，以表示對舊東家球迷嘅歉意，後來佢突然加速，向住對方主帥狂奔，然後喺佢面前慶祝。
去到下半場，殺得性起嘅基斯麥佳亞射入一球12碼，又喺完場前15分鐘完成帽子戲法，對住舊東家完全無面俾，結果協助球隊贏3-1完場。
球迷對麥佳亞嘅慶祝動作議論紛紛，有人覺得佢太串，又有人覺得無咩，不過見到呢一幕，唔知新特蘭老闆有無後悔放咗呢名射手呢？
官方精華：
請按此登錄後留言。未成為會員? 立即註冊