輸緊波仲懶懶閒？尼當比利被簡尼鬧爆、球迷噓爆！

尼當比利、阿里同拜仁基爾喺周日英格蘭足總盃第三圈比賽嘅下半場被主教練干地一同換出，當時熱刺以0-1落後於英甲球隊。

不過尼當比利選擇慢慢行出球場，而唔係好似其他隊友咁沖刺，呢下激怒咗觀眾，所以佢喺離場時遭到了球迷嘅噓聲，之後佢更加係直接走到球員通道，而唔係喺後備席欣賞剩下嘅比賽。


唔單止咁，哈利簡尼後備上場都當面訓斥咗尼當比利，而呢一幕亦俾鏡頭錄低咗。



干地嘅換人立竿見影，幫助熱刺挽回咗一場3-1嘅勝利。雖然球隊贏波，不過對尼當比利嚟講，可能更加不是味兒，因為最近佢嘅離隊傳聞甚囂塵上，意甲嘅祖雲達斯與羅馬都對呢位中場有意。