「揼波鐘」最高境界！以超球隊補時角球旗附近玩足2分鐘 精選

我哋成日都會見到喺足球比賽中，當一方領先而又臨近完場階段，佢哋就會想盡辦法「揼波鐘」，不過好似以下呢隊以色列超級聯賽球隊海法咁玩到咁盡，就真係少見。

當時海法隊喺比賽嘅第96分鐘得到一個角球，由嗰刻開始，佢哋就開始利用角球旗附近嘅獨特環境嚟「揼波鐘」，足足揼咗兩分鐘，我哋睇下佢哋係點做到：


最後玩到對方崩潰，而球證又好無奈，但主場球迷就似乎睇得好開心。雖然呢種「揼波鐘」真係好肉酸，但佢哋合法利用球例你又吹佢唔脹。如果有得揀，我都係中意睇返丹尼臣嗰種「揼波鐘」。