假啲、再假啲！維拉翼鋒查斯古特「中彈式」插水假到被恥笑

「插水」係好多足球員嘅「技術」，但其實「插水」要插得好都唔係一件容易嘅事，你睇尼馬要轆咁多個圈先見效就知。最近英超阿士東維拉嘅翼鋒查斯古特就表現咗咩係拙劣嘅「插水」。

當時維拉１—２落後賓福特，後備入替嘅維拉翼鋒查斯古特成功突破到禁區後想搏一個12碼，於是佢俾對方掂一掂之後，就誇張地倒地，情況好似突然中彈一樣。但最後球證唔賣帳，之後嘅控球權都被對方搶埋，錯失扳平嘅機會。

賽後，查斯古特「插水」不成反被球迷恥笑，成為網絡紅人。