個半月第2單！屈福特對車路士，球迷突發心臟病暫停35分鐘

心臟病最近成為體壇其中一個最令人關心嘅話題，繼球員相繼出現心臟問題受傷，甚至死亡嘅情況出現後，睇波嘅球迷都相繼出現類似情況。（不尋常！半年來多達108足球員死亡，是過往平均數的5倍！）

話說呢場波只係踢到10分鐘左右，屈福特嘅阿當馬仙拿（Adam Masina）就受咗傷坐喺場邊，正喺呢個時候，馬高斯阿朗素脵施素高等球員突然向球證表示看台上似乎有事發生，原來有一名球迷疑似心臟病發突然暈倒，於是雙方嘅軍醫立即上咗去看台睇睇。

https://www.youtube.com/watch?v=UTjqrf_R6iM
球賽因此暫停咗，雙方球員都暫時返到己隊嘅更衣室。約20分鐘之後，喺醫生嘅急救下，該球迷情況穩定落嚟，之後傷者被送上救護車，並送到了附近醫院接受進一步治療。

賽事延遲咗大約35分鐘，直至收到該名球迷無生命危險嘅消息，比賽正式回復，兩支球會都喺自己嘅社交媒體上向呢位不幸嘅球迷送上祝福。

其實喺個半月前（10月18），紐卡素對熱刺嘅比賽，都有一名紐卡素球迷喺看台上疑似心臟病發暈倒，當時比賽都中斷咗15分鐘。連埋今日呢單，呢個半月英超賽場就出現兩宗球迷心臟病個案，情況的確令人擔心。