球迷撰文指美斯奪獎是恥辱！C朗點讚兼留言：事實

美斯七奪金球獎，外界有彈有讚。攞埋今屆，過往10年鬥得難分難解嘅「球壇孖寶」，美斯同C朗拿度嘅評價同地位已經有明顯分野，美斯以7-5領先，而年紀漸大嘅C朗要扭轉呢個落後情況，似乎已無甚希望。

近日，有一名疑似是C朗球迷嘅網民撰文稱美斯獲獎係盜竊同恥辱，竟然得到C朗嘅點讚，C朗仲留咗兩個字言：事實（Factos）。


除咗上面嗰篇，C朗仲有點讚呢位網民嘅另一篇文，該文內容大致如下：

引用C.朗拿度攞過5次金球獎，即使該獎項嘅主辦方一直努力傷害C朗以及幫助其他球員。這一事實證明咗佢有幾咁出色。
......（下省幾百字）
無論C.朗拿度當年、當賽季表現有幾好，當佢哋投票時，該獎項機構就會操控選票。
......（又下省幾百字）
雖然係咁，但C朗依然獲獎5次，已經勁到操縱選票都無可能輸嘅地步，咁樣只能證明C朗拿度就係最好、最出色嘅。

知道C朗點讚之後，呢個帳號仲開帖，曬出自己偶像C朗點讚同評論嘅截圖，並且咁寫：「事實就係事實，我哋只談真相，無論係咩獎項，C朗永遠都是最應該攞嗰個。」

不過唔知點解，目前該帳號已經被封號。