唯一目標係金球超越美斯?C朗千字文回擊《法國足球》主編

球場新聞 於 30/11/2021 發表 收藏文章
金球獎塵埃落定,美斯第7次奪走呢座足球界個人最高殊榮!雖然今屆C朗三甲不入,但仍有一段插曲到佢有關。

話說上一週,《法國足球》主編費雷(Pascal Ferré )直播爆料,宣稱C朗親口話佢知,佢嘅唯一目標就係退役前金球數量超越美斯。於是喺2021年金球頒獎典禮之前,C朗就喺IG發千字文駁斥費雷講大話。以下係C朗發布嘅全文廣東話翻譯——

引用今日,我要喺呢度回應費雷上週嘅言論,佢話我唯一嘅目標,就是退役前金球數量超越美斯。

費雷佢講大話!佢用我嘅名字來宣傳佢自己和佢工作嘅刊物。令人無法接受嘅係,負責頒發一個咁有聲望獎項嘅人竟然以呢種方式講大話,對一直尊重《法國足球》同金球獎嘅人嚟講,係一種唔尊重。而佢今天又講大話,用並不存在嘅所謂我需要隔離,來解釋我缺席今晚頒獎禮。

我嘅職業生涯自始至終都係講究體育精神同公平競爭,我總係祝賀獲勝者,我並不會針對任何人。我總係為我自己同我所代表球會奮鬥,我為自己同嗰啲希望我好嘅人奮鬥,我並不會針對任何人。

我職業生涯最大嘅野心係為我所代表嘅球會同我嘅國家隊贏得國家同國際冠軍;
我職業生涯最大嘅野心係為所有正在或希望成為職業足球運動員嘅人做一個好榜樣;
我職業生涯最大嘅野心係將我嘅名字刻印在世界足球嘅歷史上。

最後我要講嘅係,我嘅注意力已經集中喺曼聯嘅下一場比賽、我嘅隊友,我嘅球迷,以及我哋今季仍然可以取得嘅一切。而其他呢?餘下嘅事情就係餘下了......👊🏽

loading

標籤: Pascal Ferré  法國足球  C朗  美斯  金球獎  

留言


請按此登錄後留言。未成為會員? 立即註冊
    快捷鍵:←
    快捷鍵:→