武磊單刀...又失！今季依然0入球0助攻，陷533天入球荒！

剛過去嘅新一輪西甲比賽，愛斯賓奴主場以1比0擊敗皇家蘇斯達，「中國球王」武磊再次後備登場，可惜佢又錯失咗一次絕佳嘅單刀機會。（相關：武磊單刀真係「烏利單刀」？武球王「又」失機，陷291日入球荒 ）

愛斯賓奴喺比賽嘅第76分鐘打破僵局，而武磊就喺第77分鐘後備登場。

去到比賽嘅第82分鐘，德湯馬士送出一球靚直線，武磊提前走，為自己獲得一個絕佳嘅機會，佢接波後諗住殺入對方禁區，點知用力過猛，一推就推甩咗個波，被對方門將輕易沒收。
德湯馬士同教練組都紛紛表示難以置信：

今場比賽，武磊7次觸球，5次傳球，只有2次成功，成功率40%，地面對抗1次成功、4次丟失球權、1次鏟球。西班牙《每日體育報》對武磊嘅評分係全隊最低嘅4分。

今季至今，武磊為愛斯賓奴出咗12場，累計時間有293分鐘，但可惜只有0入球，0助攻嘅數據，佢嘅西甲入球荒已經達到了533天。佢對上個次入波已經係1月6日國王盃嘅事啦！