雲尼斯奧斯致敬尼馬!角球旗附近施展「彩虹過人」

球場新聞 於 17/11/2021 發表 收藏文章
巴西從來都不缺腳法秀麗嘅天才!

昨晚巴西對阿根廷場波雖然悶和,不過雙方都各有精彩炫技表演,繼迪馬利亞(天使炫技!迪馬利亞鞋底通渠乾淨俐落),被通渠嘅皇馬天才小將雲尼斯奧斯心有不甘,表示要「禮尚往來」!

比賽第63分鐘,丹尼路右路傳中,個波落到角球附近位置,雲尼斯奧斯攞到波,但被阿根廷嘅莫里納逼到埋角球旗,可以點樣脫身呢?於是雲尼斯奧斯後腳將個波挑起,施展咗一招精彩絕倫嘅彩虹過人,個波成功從莫里納頭頂飛過,可惜佢嘅傳中波最後被阿根廷球員解圍。

呢招大師兄尼馬當年最中意玩嘅招數,今日師弟雲尼斯奧斯似乎都玩得唔錯!

loading

loading
loading

標籤: 雲尼斯奧斯  

留言


請按此登錄後留言。未成為會員? 立即註冊
    快捷鍵:←
    快捷鍵:→