蘇B神級教練無誤！迪布尼：連哥帥都睇唔穿曼聯戰術，所以練咗10分鐘咋！

曼市打吡雖然已經過咗一段，但依然有新聞。最近迪布尼接受一個網上訪問時就透露，曼城喺奧脫福獲勝嘅前一天，只係僅僅練咗10分鐘就取消咗，因為哥迪奧拿根本唔知曼聯會點樣踢。

一周前，蘇斯克查嘅球隊以三後衛嘅方式，最終以3-0戰勝咗熱刺，但喺與亞特蘭大嘅比賽中，喺華拉尼受傷後，佢哋係用四後衛。

究竟會打三後衛定四後衛呢？呢個問題，賽前哥迪奧拿都唔確定（可能蘇斯克查都唔確定），所以索性提前結束訓練。

迪布尼透露，哥迪奧拿通常有一個應對對手嘅計劃，然後就搆成比賽前一天訓練嘅基礎，但圍繞曼聯嘅不確定性意味住佢哋無辦法針對性訓練，所以只好縮短訓練時間。
迪布尼話：「喺比賽嘅前一天，我哋通常會根據對手嘅比賽方式進行戰術訓練，但喺對曼聯之前，哥帥說：『我哋唔知道佢哋會點踢。』。所以我哋喺10分鐘左右就停止咗訓練。

「通常情況下，哥帥知道對手會點踢。但今次佢唔知，所以佢都唔知點樣叫我哋練。我哋已經做咗我哋一直做嘅事，但我哋唔知佢哋會踢4後衛、3後衛定5後衛，又唔知佢會唔會用3個前鋒。」

儘管缺乏訓練，又唔知道曼聯會點踢，但曼城似乎無遇到咩問題。蘇B設置咗一個三後衛嘅陣，但喺半場結束時，落後0-2，佢被迫改變了踢法。

筆者以為我哋世俗人先睇唔明蘇B嘅戰術，估唔到連哥迪奧拿呢啲級數都睇唔穿，睇嚟蘇B嘅境界真係高到有啲離地。