【痴X線】踢波定殺人？非聯驚現「斷頸式」飛踢

喺日前進行嘅一場非洲冠軍聯賽32強淘汰賽次回合中，出現咗一個恐怖殺人動作！

呢場比賽係來自突尼斯嘅 Espérance Sportive de Tunis 對陣利比亞球隊 Al-Ittihad Club。當比賽進行到第74分鐘時，Espérance Sportive de Tunis 嘅前鋒球員喺接到隊友長傳後，有機會形成單刀機會，然而對方門將沖出禁區想解圍。當該前鋒想用頭控定個波時，對方門將隻腳又啱啱到，後者想飛踢解圍，可惜波就踢唔到，但腳底一嘢印落對方條頸到，該前鋒即時倒地不起。

由於呢一腳實在太危險，雙方差啲就爆發沖突，最後 Espérance Sportive de Tunis 隊醫入場對被踢低嘅球員進行救治。



被踢嘅球員喺社交媒體展現傷勢，並向外界表示自己已康復，並無大礙，大家可以放心。