巴塞新10號法迪3秒「神」控，朗奴高文場邊暴怒！

自從美斯離隊之後，10號球衣就交咗俾西班牙18歲小將法迪，而且巴塞仲同佢續約到2027年，似乎係要重點栽培。不過呢位小將雖然被巴塞睇重，而佢個人亦都好努力，但面對大場面，仍欠缺少少火候，仲睇到主帥朗奴高文火冒三丈！

上輪西甲，法迪傷愈復出射入世界波助球隊勝出，出於保護性質，巴塞喺歐聯先收起佢，其後後備入替。可能係過於心急想表現自己，法迪喺前場非常積極，喺第53分鐘，仲逼到對方守門員失誤，後者急忙想將個波踢出底線，但被巴塞嘅迪比救返，傳到法迪腳下，可惜法迪竟然背住守門員，連續挑波，結果一頓「神」控之後，背住龍門射咗個波出界。

見到呢球，朗奴高文真係火到嚟，佢之所以咁嬲，相信除咗法迪太 show off 之外，係團隊意識唔夠，明明旁邊已經有兩位隊友，只要佢交出嚟，入波就輕鬆鬆，但係佢偏偏選擇了最難做嘅事，話晒佢都仲要保住份工。不過賽後朗奴高文對呢位小將都好保護，話佢只係19歲未夠，仲有缺點需要改善。