「有無搞錯？咁都無牌！」哥帥不滿判決鬧足40幾秒！

利物浦對曼城呢場大戰，真係睇到人熱血沸騰，除咗兩邊球星場上較技，場下兩位星級主帥一樣精彩，不滿一向好搶鏡嘅高普，今集就俾哥迪奧拿搶晒風頭，事關佢有一幕鬧球證鬧足40幾秒，成為網絡熱話！

話說利物浦嘅占士米拿（James Milner）喺完半場前三分鐘食咗一張黃牌，之後佢喺下半場開始無耐又對賓拿度施華（Bernardo Silva）粗暴攔截，搞到後者成個仆低，但就逃過一刼。哥帥見狀當然好不滿，立即９秒９跑去向場邊嘅第四球證抱怨，不過你唔好以為佢噪兩句就算，佢向第四球證表示不滿後，返到座位後又出來繼續怒吼，足足鬧足40幾秒，後來唔知係咪鬧得太熱，連外套都要除低先得掂！

去片睇睇：https://www.youtube.com/watch?v=yx0dMq1ZHT4