現任打比郡嘅領隊朗尼最近接受媒體訪問，道出咗當年轉會曼聯嘅一啲細節。
前曼聯隊長朗尼（Wayne Rooney）17年前喺愛華頓成名，成為各大英超豪門嘅爭奪對象，當中以車路士同曼聯最積極。朗尼表示自己喺2004年歐洲國家盃前就知道球會會賣走佢，因為當時愛華頓確實需要錢。
其後車路士同曼聯都分別出價，而車路士出價較高，自然地愛華頓當然要將朗尼賣俾車仔。不過朗尼當時表示唔想去車仔，想去曼聯，而原因唔係因為球會歷史或者風格等有關足球嘅因素，而係純粹因為地理位置。
當時朗尼表示希望留喺英格蘭西北部，唔希望搬到倫敦咁遠，呢個理由同日本著名漫畫《男兒當入樽》嘅主角流川楓加盟湘北嘅原因有幾分相似。漫畫中，陵南監督田岡原本想組成魚柱+仙道+流川+三井+宮城這個超級陣容，可惜三井同宮城都因為景仰安西教練而去咗湘北，而流川去湘北嘅原因最搞笑，唔係因為安西教練，而是純粹因為離佢屋企近！
朗尼仲爆出咗一件趣事，佢話當年係用張一張餐巾申請轉會：「佢哋叫我申請轉會，於是我就去 Canteen 攞咗一張餐巾，然後喺上面寫『我朗尼向愛華頓申請轉會』，之後就去到球會辦公室，將餐巾交俾佢哋。」
現年35歲嘅朗尼雖然職業顛峰期比較短，但都協助過紅魔贏到5次英超冠軍，而且仲有歐聯、世冠盃等重要錦標。所以呢張餐巾都可以話係成就咗一個偉大球員嘅傳奇！
前曼聯隊長朗尼（Wayne Rooney）17年前喺愛華頓成名，成為各大英超豪門嘅爭奪對象，當中以車路士同曼聯最積極。朗尼表示自己喺2004年歐洲國家盃前就知道球會會賣走佢，因為當時愛華頓確實需要錢。
其後車路士同曼聯都分別出價，而車路士出價較高，自然地愛華頓當然要將朗尼賣俾車仔。不過朗尼當時表示唔想去車仔，想去曼聯，而原因唔係因為球會歷史或者風格等有關足球嘅因素，而係純粹因為地理位置。
當時朗尼表示希望留喺英格蘭西北部，唔希望搬到倫敦咁遠，呢個理由同日本著名漫畫《男兒當入樽》嘅主角流川楓加盟湘北嘅原因有幾分相似。漫畫中，陵南監督田岡原本想組成魚柱+仙道+流川+三井+宮城這個超級陣容，可惜三井同宮城都因為景仰安西教練而去咗湘北，而流川去湘北嘅原因最搞笑，唔係因為安西教練，而是純粹因為離佢屋企近！
朗尼仲爆出咗一件趣事，佢話當年係用張一張餐巾申請轉會：「佢哋叫我申請轉會，於是我就去 Canteen 攞咗一張餐巾，然後喺上面寫『我朗尼向愛華頓申請轉會』，之後就去到球會辦公室，將餐巾交俾佢哋。」
現年35歲嘅朗尼雖然職業顛峰期比較短，但都協助過紅魔贏到5次英超冠軍，而且仲有歐聯、世冠盃等重要錦標。所以呢張餐巾都可以話係成就咗一個偉大球員嘅傳奇！
請按此登錄後留言。未成為會員? 立即註冊