【球衣出事曼城中槍】20歲小將入替奧斯爾轟入世界波,然後尷尬事情發生了!

球場新聞 於 20/08/2021 發表 收藏文章
8月20日凌晨,喺歐霸盃附加賽首回合嘅一場比賽中,費倫巴治以1-0擊敗赫爾辛基。呢球全場唯一入球非常精彩,出自20歲小將甘莫斯卡亞(Muhammed Gumuskaya)左腳,係一球無解嘅世界球,不過喺其後嘅慶祝時,就出現咗一個小小嘅尷尬,從而道出一個球衣設計問題。

本場比賽,費倫巴治坐鎮主場。主角甘莫斯卡亞喺61左右入替奧斯爾,打到第65分鐘嘅時候,佢喺大禁區外拿波,佢首先藝高膽大,從兩名對手之間大力推波,然後再推一步,順腳喺大禁區角位直接就轟門。個波喺空中劃出一道美妙嘅弧線,隨后喺門前急墜,貼住橫楣入網,對方守門員企啱位都毫無辦法。

入球影片:
https://www.youtube.com/watch?v=5YRl3TwPj2c
https://www.youtube.com/watch?v=j4Xg6TaFOwY

https://www.youtube.com/watch?v=lKlwUkiOCGU
入球後,甘莫斯卡亞頗為激動,並與隊友一齊慶祝。隨後,佢試圖想親吻球衣嘅隊徽,但佢搵嚟搵去都搵唔到個隊徽,最後只好尷尬作罷。親吻隊徽失敗后,甘莫斯卡亞就跑到球迷面前,與球迷互動。

尷尬時刻:
https://www.youtube.com/watch?v=IYYHVhhmoO0

https://www.youtube.com/watch?v=T80wmhLpwYM
https://www.youtube.com/watch?v=o7S420P1qYk

費倫巴治呢套由PUMA設計嘅波衫同以往我哋常見嘅波衫不同,球衣正面並無隊徽嘅標志,隊徽放咗喺衣領後面
隊徽放咗喺衣領後面

其實唔單上費倫巴治,其他球隊例如曼城、AC蘭同多蒙特等由PUMA設計嘅波衫都出現同樣問題,球衣正面無咗隊徽。球迷仲發現另一個問題,就係呢幾款波衫嘅設計,除咗顏色唔同之外,幾乎都係統一嘅模板,設計如出一轍,完全體現唔到各隊嘅特色,更有球迷表示呢款波衫係史上最差波衫。

講返甘莫斯卡亞,佢出道於費倫巴治嘅自家青訓。上個賽季,佢被外租出去鍛煉。今夏,甘莫斯卡亞結束租借並回歸球隊,唔知今天嘅表現可唔可以令佢喺隊中占據一席位呢?
標籤: Muhammed Gumuskaya  世界波  

留言


請按此登錄後留言。未成為會員? 立即註冊
    快捷鍵:←
    快捷鍵:→