一天一地!PSG免簽3大隊長+MVP,巴塞卻3.85億買3大水貨

球場新聞 於 11/08/2021 發表 收藏文章
今日最大嘅足球新聞當然係PSG免簽咗球王美斯啦!

過往PSG俾人嘅感覺就係大豪客,常常以高價搶球星,例如尼馬,不過今季佢哋喺轉會市場嘅操作真係神一樣,除咗免簽咗球王兼巴塞前隊長、亦係阿根廷國家隊隊長美斯,仲有其他隊長級人馬,包括:

皇馬前隊長沙治奧拉莫斯
荷蘭國家隊隊長韋拿杜姆
仲有,歐國盃MVP當拿隆馬


以上4位球星都係自由身免費加盟,PSG一蚊轉會費都唔使俾!

相反,巴塞呢幾年嘅操作就令人「嘆為觀止」,唔講放走咗美斯呢個自殺行為,佢哋近年嘅出手都係回報率極差,當中最常俾人取笑嘅就係花咗3.85億歐元買咗三大水貨返嚟,包括基沙文、迪比利同古天奴。不過都要公平啲講,巴塞今夏都有三筆唔錯嘅免簽,包括:美斯好朋友阿古路、荷蘭國腳迪比,以及前曼城中堅艾歷加西亞。況且,PSG 4大免簽都仲未踢,可能美斯係水貨呢(講完自己都唔信!),又話唔定迪比突然蛻變成下一個美斯(級數)XD,點知架!

相關文章:被問會否加盟法甲,C朗以一字回應!

當然,「今朝有料就今朝串」巴塞呢排都無咩運行,所以 Troll Football 都要出張圖嚟串下巴塞:

loading


筆者突然發現,呢個世界真係「風水輪流轉」,以前成日俾笑大花茼嘅PSG,今夏竟然可以咁神,而近年真正揮霍嘅球隊就變咗巴塞......
標籤: PSG  

留言


請按此登錄後留言。未成為會員? 立即註冊
    快捷鍵:←
    快捷鍵:→