做人唔好咁老定！拜仁小將舒克斯面對空門「思考人生」？

熱身賽就係好好表現自己嘅地方，尤其小將，因為難得有機會出場，當然要喺教練面前威下搶正選位，不過昨日拜仁慕尼黑對阿積士場熱身賽，拜仁小將舒克斯（Joshua Zirkzee）將一個表現機會，變成出醜嘅場合，認真失威！

話說半場結束前，拜仁同阿積士打成１—１，原本拜仁可以反超，因為舒克斯獲得一個黃金機會，佢首先好勤力咁逼到對方後衛犯錯，然後又好冷靜咁過埋對方守門員，之後佢面對空門竟然唔及時射門，而係嘆慢板，點知俾對方後衛及時趕上，將個波剷走。


舒克斯面對空門「思考人生」：https://www.youtube.com/watch?v=aqaaNlfsZnw

後備影片：https://www.youtube.com/watch?v=GBuHGfwIq1U
呢次出醜，舒克斯唔係輸技術，唔係輸能力，而係輸喺態度上，雖然係熱身賽，但一個球員嘅態度好影響佢臨場發揮同成長，希望舒克斯可以汲取今次嘅教訓，好好成材。