訓練場再展神技！摩迪外腳背「又」入世界波

隨著葡萄牙出局，C朗拿度亦都告別了今屆嘅歐國盃，有實力嘅老將買少見少，今晚就輪到克羅地亞出場，而核心人物就非隊中老將兼隊長摩迪莫屬。

呢位35歲嘅中場老大哥，由於受傷病問題影響，喺應付漫長嘅聯賽有少少吃力，但回到國家隊，他就繼續表現出世界級中場嘅實力，於對蘇格蘭嘅賽事中，以一個世界波同助攻，協助球隊3:1擊敗對手取得次名出線資格。

講起呢球世界波，我哋真係不得不佩服摩迪嘅射術，尤其佢嘅外腳背技術，射波同傳波都叫人讚不絕口，可以話係當今球壇上呢項技術嘅佼佼者，而喺今晚對西班牙比賽嘅前夕，佢又喺訓練期間施展呢招神技，仲要又係死角入網。見到呢個影片，我諗西班牙都要搵人專門招呼摩迪至得啦！