亨利左腳罰球死角掛網！盧卡古、迪布尼表示震驚

法國名宿亨利，現時是比利時嘅助教，佢日前喺比利時陣中嘅訓練時 show off 咗自己嘅罰球技巧，呢球仲要死角入網，而亨利更加係用左腳射入。



射入呢球後，亨利自信滿滿行開，但比利時陣中嘅前鋒盧卡古就衝埋去亨利度，表示自己嘅敬畏之意。其後，比利時中場，亦係罰球高手嘅迪布尼都表示難以置信，佢話：「我哋訓練咗半個鐘，我哋都入咗好多球，但係佢用左腳射入，佢退役咗近１０年啦大佬，佢擊敗咗我哋！」
亨利有幾勁跟本唔使我多講，不過退役咗咁耐仲可以令到一班世界級球星咁佩服嘅，相信呢個世界都唔係得好多人。