一數據顯示：般奴與普巴難以共存！

曼聯雖然星光不算非常耀眼，仲陣中坐擁兩大中場，葡萄牙嘅般奴費南迪斯（Bruno Fernandes）同法國嘅普巴（Paul Pogba），可惜呢兩大中場嘅威力並不是１＋１＝２，而是１＋１＜２，因為數據顯示，兩人同時出場嘅話，曼聯嘅成績反而變差咗。

開季至今，兩人同時出場47次，攞到27勝9和，得勝率係57%，入球87個，失球57個，場均入球1.8，場均失球1.2。

但兩人中只有一人出戰或兩人同時缺席嘅時候呢，曼聯28場取得20勝8和嘅不敗戰績，勝率高達71%，入球67個，失球11個，場均入球2.4個，場均失球0.4個。（其實筆者有啲奇怪點解唔係用「只有其中一人出戰嘅數據」）

睇嚟點樣令呢兩個人可以共存，係主帥蘇斯克查（Ole Solskjær）面前嘅一道難題。而諷刺嘅係，剛傳出般奴決定同曼聯續約嘅其中一個前提，係普巴都要同時留低。或者可能唔知係唔係般奴仲未睇到呢個數據呢？