英超嘅北倫敦打吡，熱刺作客1-2敗於阿仙奴腳下，結束聯賽三連勝。不過賽後嘅焦點係哈利簡尼對加比爾嘅一次蓄意犯規卻逃過被罰一幕，引發球迷熱議。
呢一幕發生喺比賽第74分鐘，當時加比爾喺後場接到大衛雷斯嘅橫傳，隨後佢將波再向前傳俾隊友，一向喺前場積極逼搶嘅哈利簡尼喺明知不能搶到波嘅情況下架肘沖向加比爾，令後者失平衡痛苦倒地，加比爾倒地後摀住右肩，好在無咩大礙。而僅僅1分鐘之後，另一位熱刺球員拉美拿肘擊泰亞尼，卻食到第二張黃牌被罰離場。
其實哈利簡尼呢啲不必要嘅犯規動作已經唔係第一次，喺舊年12月，又係打吡，受害者又係加比爾，當時後備出場嘅哈利簡尼喺補時階段同加比爾爭頂時，無起跳而係選擇故意撞向後者腰部，導致對方失去平衡並且成個人大大力撻咗喺地，呢個動作完全無必要，而且有可能造成對方頭部或頸部嚴重受傷。
其後，各界都對哈利簡尼口誅筆伐，有好多球迷更表示咁樣都無牌感到失望：
「或者簡尼係英格蘭嘅國家隊隊長，但佢唔應該成為年輕人嘅偶像。」
「簡尼真係一個笨拙嘅球員，而且一直都係咁。」
「VAR應該介入，呢個係直紅嘅動作。」
「我是阿仙奴球迷，亦是簡尼嘅球迷。佢根本唔需要咁做，佢嘅行為令我難過。」
「簡尼長期被球證保護，佢對加比爾做嘅，比拉美拿嚴重多了，卻竟然無受到懲罰。」
「簡尼咁多呢啲犯規動作都走得甩，真係笑話。」
唔通哈利簡尼真係得到球證厚待？抑或好似我哋嘅政府成日話，只係「個別事件」，次次都係「個別事件」？大家又點睇？
呢一幕發生喺比賽第74分鐘，當時加比爾喺後場接到大衛雷斯嘅橫傳，隨後佢將波再向前傳俾隊友，一向喺前場積極逼搶嘅哈利簡尼喺明知不能搶到波嘅情況下架肘沖向加比爾，令後者失平衡痛苦倒地，加比爾倒地後摀住右肩，好在無咩大礙。而僅僅1分鐘之後，另一位熱刺球員拉美拿肘擊泰亞尼，卻食到第二張黃牌被罰離場。
其實哈利簡尼呢啲不必要嘅犯規動作已經唔係第一次，喺舊年12月，又係打吡，受害者又係加比爾，當時後備出場嘅哈利簡尼喺補時階段同加比爾爭頂時，無起跳而係選擇故意撞向後者腰部，導致對方失去平衡並且成個人大大力撻咗喺地，呢個動作完全無必要，而且有可能造成對方頭部或頸部嚴重受傷。
其後，各界都對哈利簡尼口誅筆伐，有好多球迷更表示咁樣都無牌感到失望：
「或者簡尼係英格蘭嘅國家隊隊長，但佢唔應該成為年輕人嘅偶像。」
「簡尼真係一個笨拙嘅球員，而且一直都係咁。」
「VAR應該介入，呢個係直紅嘅動作。」
「我是阿仙奴球迷，亦是簡尼嘅球迷。佢根本唔需要咁做，佢嘅行為令我難過。」
「簡尼長期被球證保護，佢對加比爾做嘅，比拉美拿嚴重多了，卻竟然無受到懲罰。」
「簡尼咁多呢啲犯規動作都走得甩，真係笑話。」
唔通哈利簡尼真係得到球證厚待？抑或好似我哋嘅政府成日話，只係「個別事件」，次次都係「個別事件」？大家又點睇？
請按此登錄後留言。未成為會員? 立即註冊