世界第一中堅無誤！麥佳亞門前10cm解圍，幫對手解圍！

近排好多關於中堅嘅新聞，繼日前稱讚「掃地僧」比比老而彌堅之後，今日又有一個後衛成為各大體育媒體嘅頭條，佢就係曼聯身價值8000萬嘅首席中堅麥佳亞。

昨晚由曼聯對AC米蘭嘅歐霸十六強首回合，戰至第38分鐘，出現咗一個史詩式嘅門前解圍，當時迪尼斯開出角球，般奴費南迪斯頭槌跣後，傳到後柱空門位置，幸好世界第一中堅麥佳亞及時殺出，喺門前10cm左右成功解圍，為AC米蘭化解咗一次危機！

咪住先，麥佳亞唔係踢緊曼聯咩？幾時轉咗會去AC米蘭？
https://www.youtube.com/watch?v=Ow81dKKbfachttps://www.youtube.com/watch?v=m5nl094v9kUhttps://www.youtube.com/watch?v=EMSfCjDXfSghttps://i.imgur.com/0CHnirb.gifhttps://i.imgur.com/Dupm4bw.gif

見到呢一幕，不少足球壇人士都嘖嘖稱奇：

前些路迪教練尼爾連儂（Neil Lennon）就話：「佢係點做到架？呢個係違背咗物理學，佢係點樣射中柱架？太令人驚訝啦！」

球迷Ａ：「百萬分之一嘅錯失率！真係Ｏ晒嘴！」
球迷Ｂ：「我越睇麥佳亞，就越難明佢個身價。」

麥佳亞自已就話：「呢個就係點解我係（首席）後衛，而唔係（首席）前鋒嘅原因！」（「首席」一詞係筆者自加嘅）