「收嗲啦！X你！」拉舒福特爆粗鬧爆隊長麥佳亞

昨晚曼聯對水晶宮場波悶咗成場，唯一嘅亮點竟然唔係咩射門咩過人，而係兩個曼聯球員互鬧嘅場面！

慘不忍睹嘅進攻表現令到曼聯越踢越急躁，有啲甚至情緒失控。下半場比賽，喺一次進攻中，拉舒福特被吹越位。之後，身為隊長嘅麥佳亞就首先發火，批評拉舒福特「我希望你咪X越位呀！」，而年少氣盛嘅拉舒福特邊有咁好死聽隊長講，於是邊行邊反擊：「收嗲啦！X你！」好在兩人只係口角，無繼而動武。

https://www.youtube.com/watch?v=ZRvA9-O0KTohttps://www.youtube.com/watch?v=6ywedhv_Bs4
其實最近3場比賽（2場聯賽+1場歐霸），曼聯嘅比分都是0-0。據統計，曼聯喺場上已將接近5個小時（285分鐘）無入波！。而更無奈嘅係，拉舒福特同麥佳亞兩個今季已經唔係第1次喺場上嗌交，舊年10月曼聯1比6輸俾熱刺嗰場，佢哋兩個已經因為VAR問題噪過一次。睇來蘇斯克查除咗要解決曼聯嘅進攻問題之外，同時要調和球員嘅心理同更衣室問題。