【有片】33歲希古恩「中年」發福，美職聯半季只入一球！

希古恩舊年夏天加盟咗美職聯邁阿密國際，今個星期邁阿密國際就開始咗新賽季前嘅集訓備戰，啱啱度完假返嚟嘅希古恩好似變咗第二個人咁，頭頂嘅地中海越來越嚴重，但下巴嘅鬍鬚就相反越嚟越密，而且未到中年，身材已經嚴重發福，唔知大家見到呢個希古恩係咩感覺呢？


https://www.youtube.com/watch?v=xCt6qzlmPro
邁阿密國際係上賽季先開始征戰美職聯，呢間球會其中一個股東係大家都好熟悉嘅碧咸。為咗增加球隊嘅影響力同知名度，邁阿密國際同唔少其他美職聯球隊一樣，引入球星作招徠，希古恩就係舊年夏天引入嘅，其他著名球星仲有馬度迪。不過希古恩喺加入邁阿密國際後，喺美職聯嘅2020年後半季只射入過一球。
原本球迷們期待希古恩能夠喺2021賽季恢復良好狀態，而邁阿密國際喺銷售新球季嘅季票時也將佢作為主打球星 ，不過依加見到希古恩嘅訓練照，唔知買咗季票嘅球迷會唔會退票呢。