門將「短路式」拋龍門球，對手禁區外倒掛破網！

講起禁區外倒掛，筆者第一個諗起嘅就係伊巴，不過最近，喺西班牙嘅第四級聯賽都出現了一個禁區外倒掛，雖然比起伊巴嗰腳嘅精彩嘅程度差好遠，但都值得欣賞。除咗欣賞呢位球員嘅反應都能力，仲要睇埋對方龍門嘅失誤有幾咁搞笑。

當時龍門準備衝出禁區拋出龍門球，但當要拋出之際，疑似三心兩意，於是就好似短路咁拋咗個原地彈地波，而咁啱有一個對方球員企正係度，喺唔可以用手接嘅情況下，個龍諗住用頭頂，點知又唔夠人頂，結果個波俾對方頂咗俾隊友，後者見機不可失，立刻第一時間禁區外倒掛破網！
由3:40開始：
https://www.youtube.com/watch?v=iZOWszJ3h4E