恐怖受傷！波圖後衛重傷昏迷，前皇馬硬漢捂面落淚

今輪葡超，波圖作客場對陣比蘭倫斯嘅比賽，出現令人心寒嘅一幕。話說比賽進行到第85分鐘時，雙方仲係0-0。波圖左路攻勢傳中，右後衛 Nanu 插上，主隊門將 Stanislav Kritsyuk 出迎諗住打手槌，但被自己隊友快一步解圍，結果 Nanu 與 Stanislav Kritsyuk 火星撞地球，雙隻倒地。慢鏡睇返，原來當時 Nanu 係俾對方門將打到頸，加上 Nanu 倒地時頭部先著地，導致當場昏迷不醒。

https://www.youtube.com/watch?v=bK5uq2UAUiYhttps://www.youtube.com/watch?v=MpS8RvJFzX4
雙方球員見狀立即急召隊醫同擔架車，Nanu 被抬上車後，直接送到醫院，最揪心嘅係，一路以「硬漢」形象示人嘅前皇馬球星比比，見到呢幕都不禁捂面更疑似落淚。

喺救護車離開之後，比賽重啟，但雙方球員好明顯已經無心戀戰，最終打和０—０收場。
而好彩嘅係，根據波圖官方公告，Nanu 初步檢查結果顯示納努傷勢唔太嚴重，但出於謹慎，佢仍要醫院觀察一段時間。