【大戰前夕】摩佬雙重發炮串爆車仔新帥！杜曹大方回應

熱刺主帥摩連奴出名串嘴唔使講，又中意成日喺賽前大打心理戰，藉著今晚熱刺對陣車路士大戰前夕，摩佬又故技重施，向車路士新帥杜曹發炮，今次仲打孖嚟！

第一炮：法甲奪冠無難度
「我認為，一個教練係勁嘅，是應該喺頂級聯賽取得成功，喺唔同嘅聯賽中都取得成功。我唔係話杜曹，法甲係一個好有競爭性嘅聯賽，但PSG喺法甲根本就係另一個層次。對一個教練來講，最大嘅挑戰係喺最好嘅聯賽中執教，我哋英超就係最有挑戰性嘅聯賽。杜曹來自一個無法同英超相比的聯賽，不過佢習慣咗同大牌球員合作，佢可以融入車路士呢種球會。」
第二炮：執教車路士好易
我認為喺路士執教唔難，因為我曾帶領車仔攞過3個聯賽冠軍，安察洛堤係冠軍，干地都係。因為我哋喺個度贏到冠軍，所以唔可能係件困難嘅事。我相信車路士總係有偉大嘅球員、偉大嘅陣容，出色嘅教練會好高興同呢類球會球員合作，因為咁會俾到一個好好嘅機會你去成功同奪冠。」

https://www.youtube.com/watch?v=HU0Hf9cJyoI
不過杜曹被問到如何回應摩連奴以上嘅說話時，佢好大方咁回答：「祖斯（摩連奴嘅名）講得啱，英超同法甲係唔同，唔同嘅文化、態度同踢法，唔係更好或者更差嘅分別，但對我嚟講確實唔同。祖斯係個贏家，佢打造有競爭力嘅球隊，我對佢非常尊敬。我哋風格唔同，但好多路都係行得通嘅，成功可以有好多唔同嘅路。」
https://www.youtube.com/watch?v=o00OC_bBTvU