莫名其妙嘅紅牌 ＋ 搲爆頭嘅解圍！阿迪達：「睇10次都睇唔明」

昨晚凌晨，狼隊主場對阿仙奴。上半場，阿仙奴踢得唔錯，並以1-0領先。不過其後阿仙奴莫名其妙領到兩張紅牌，最終以9人迎戰，以1-2不敵對手，遭遇8輪首敗。客觀嚟講，阿仙奴呢兩張紅牌都可以用「奇怪」嚟形容！

先講第一張紅牌。上半場補時階段，狼隊前場進攻，韋利安荷西接到隊友嘅直線，大衛雷斯跟喺後邊。但喺跑動過程中，韋利安荷西嘅後腳「好似」稍微掂到雷斯嘅膝頭，之後就跌咗落地，球證過嚟就直接向雷斯出示紅牌，連VAR都無check就將呢名巴西國腳罰出場。狼隊１２碼命中，比分被改寫為1-1。
http://cms-bucket.ws.126.net/2021/0203/94966228g00qnxfdg04t4c00096004ic.gif

賽後阿仙奴主帥就咁話：「啱啱我從五個唔同嘅角度翻睇咗十次，我實在是睇唔到佢哋有任何嘅接觸！」

而主角雷斯賽後都係社交媒體表示不滿：

至少阿仙奴嘅第二張紅牌就無得怪球證同對手，因為係自己論盡。第72分鐘，狼隊後場長傳，查奧爾加速準備去搶個波，呢個時候阿仙奴門將蘭奴棄門出擊，並打算將個波提前解圍。不過，呢位德國門將好似無註意到條禁區線，一開始好似諗住用手，但喺一瞬間發現自己身處禁區外，就連忙改用心口，但論論盡盡，結果就係手臂掂到個波！http://cms-bucket.ws.126.net/2021/0203/b39a8c8dg00qnxffz0399c00096004ic.gif
https://www.youtube.com/watch?v=lSFEPj7CIpo
里奥費迪南喺解說比賽嘅時候直言呢一幕太搞笑：「蘭奴無任何藉口，佢錯誤判斷個波嘅路線，呢個簡直太戲劇性啦。」

就係咁，阿仙奴遭遇八輪首敗，目前排喺英超第10位，落後第5位4分，落後第4位8分。聯賽還剩16場嘅情況下，槍手仍望打入前四嘅，畢竟佢哋近期嘅表現非常出色。