唔經唔覺，曼聯已經慢慢地升上英超第二，昨晚更用一場絕殺結束咗2020年。今年曼聯表現雖有起伏，但整體發揮算係出色，上半年（上季下半季）一路狂飆，由中遊殺到前四，入埋歐聯。下半年（今季上半季）更係一路路爬升到積分榜次席。當大家焦點都係蘇斯克查如何帶領曼聯之際，一項數據話俾大家知，般奴費南迪斯（Bruno Fernandes）嘅加盟係今年曼聯表現出色嘅關鍵！
來自英超官方嘅統計數據，自從「B費」喺英超首戰以來，至今交出32個入球貢獻(18入波+14助攻)，而同期排名第二嘅是沙拿嘅27球，簡尼、孫興慜同華迪等一眾好手都屈居B費之下。而另一項數據亦顯示，自今年2月1號開始，曼聯至今踢咗29場聯賽，贏咗18場，一共攞到62分，係同期英超最高分，以1分之微力壓利物浦，比同市勁敵曼城更高出6分！即係話，自B費加盟後，曼聯成為英超搶分最勁嘅球隊，佢為曼聯帶來咗質嘅變化。
其實有睇波都知，曼聯幾乎每一次嘅進攻，都有B費嘅影子，好似今場擊敗狼隊，拉舒福特嘅絕殺，助攻嘅人又是B費。可想而知，般奴費南迪斯對曼聯有幾咁重要！
來自英超官方嘅統計數據，自從「B費」喺英超首戰以來，至今交出32個入球貢獻(18入波+14助攻)，而同期排名第二嘅是沙拿嘅27球，簡尼、孫興慜同華迪等一眾好手都屈居B費之下。而另一項數據亦顯示，自今年2月1號開始，曼聯至今踢咗29場聯賽，贏咗18場，一共攞到62分，係同期英超最高分，以1分之微力壓利物浦，比同市勁敵曼城更高出6分！即係話，自B費加盟後，曼聯成為英超搶分最勁嘅球隊，佢為曼聯帶來咗質嘅變化。
其實有睇波都知，曼聯幾乎每一次嘅進攻，都有B費嘅影子，好似今場擊敗狼隊，拉舒福特嘅絕殺，助攻嘅人又是B費。可想而知，般奴費南迪斯對曼聯有幾咁重要！
請按此登錄後留言。未成為會員? 立即註冊