普巴表心跡：我會一直為曼聯而戰！

昨日曼聯同曼城合「演」了一場被《曼徹斯特晚報》形容為史上「史上最沉悶打吡戰」嘅賽事，雙方都被批評踢得無靈魂，而曼聯陣中最大排的球星普巴當然也被同樣炮轟。

其實普巴開季一直都被外界批評實力與身價不符，近日甚至傳出佢喺曼聯過得唔開心，仲會喺下一個轉會期要求轉會云云。而主角普巴喺打吡賽後就首度喺社交平台開腔：


佢話：「我會一直戰鬥，一直為曼聯、隊友、球迷而戰。外界的言論並不重要。未來很遙遠，今日才是重要的，而我會 100% 投入。我們會保持強大，而我與球會之間的事很清楚而且永遠不會改變。不知道內情的人不要談論。」

普巴喺2016以當時世界最高身價回到曼聯，雖然有過短暫的蜜月期，但之後與時任主帥摩連奴產生矛盾，當時球會在兩人之中選擇了留低普巴，而摩連奴就離隊。時移勢易，依家由曼聯名宿蘇斯克查領軍，普巴一直受到重用，可惜佢嘅表現同鬥心卻屢屢被球迷批評。普巴表明心跡後會否重獲球迷信心呢？我哋拭目以待。